કૃષિ ક્ષેત્રમાં દરેક મહિનામાં કેટલાક ખાસ પાકોની વાવણી કરવામાં આવે છે અને ફેબ્રુઆરીનો મહિનો આ કામ માટે એકદમ યોગ્ય છે. શિયાળાની સિઝનમાં કેટલાક ખાસ શાકભાજીઓ સરળતાથી ઉગી જાય છે, જે ન માત્ર જલ્દી ઉગે છે, પરંતુ બજારમાં સારા ભાવમાં વેચાઈ જાય છે. જો તમે ઈચ્છો છો કે, તમને ખેતીથી સારો નફો થાય, તો ફેબ્રુઆરીમાં આ 5 શાકભાજી જરૂર વાવો.
વટાણા- ફેબ્રુઆરીમાં વટાણાની ખેતી ખેડૂતો માટે ખૂબ જ ફાયદાકારક માનવામાં આવે છે, કારણ કે આ મહિનો વટાણાના પાક માટે સૌથી યોગ્ય સમય છે. વટાણાના છોડ ઠંડા હવામાનમાં સારી રીતે વિકસે છે અને તેમની ખેતી માટે વધુ પ્રયત્નોની જરૂર નથી. હલકી રેતાળ જમીન વટાણા માટે સૌથી યોગ્ય છે, જેમાં પાણી સારી રીતે વહી શકે છે. વટાણાનો પાક લગભગ 60 થી 90 દિવસમાં તૈયાર થઈ જાય છે. તે બજારમાં સારી કિંમતે વેચાય છે કારણ કે તેની હંમેશા માંગ રહે છે.
પાલક- પાલક એક એવી શાકભાજી છે, જેને સરળતાથી ઉગાડી શકાય છે અને શિયાળામાં તેની માંગ પણ બની રહે છે. ફેબ્રુઆરીમાં પાલકની વાવણી કરવાથી સારો પાક મળે છે. આ છોડ બહુ જ જલ્દી વધે છે અને માત્ર 30-40 દિવસોમાં તૈયાર થઈ જાય છે. તેને કોઈ પણ સારી ઉપજાઉ જમીનમાં વાવી શકા છે, બસ એ ધ્યાન રાખવું જરૂરી છે કે, જમીનમાં પર્યાપ્ત ભેટ હોય. પાલકમાં ભરપૂર પોષક તત્વ હોય છે, જે સ્વાસ્થ્ય માટે ફાયદાકારક છે અને તેની કિંમત પણ સારી મળે છે. તેના છોડની સાચવણી પણ સરળ છે, જેનાથી ખેડૂતો માટે તે એક સારો વિકલ્પ છે.
કોબીજ- કોબીજ એક એવી શાકભાજી છે, જેના પાકમાં શિયાળામાં બહુ સારી ઉત્પાદન પ્રાપ્ત થાય છે. ફેબ્રુઆરીમાં તેની વાવણીથી ખેડૂતોને જોરદાર ફાયદો થાય છે. કોબીજના છોડ શિયાળામાં સારી રીતે વધે છે. તેનું ઊંડી અને રેતાળ જમીનમાં વાવેતર કરવું જોઈએ, જેથી મૂળ ફેલાવવામાં મુશ્કેલી ન આવે. કોબીજનો પાક 2થી 3 મહિનામાં તૈયાર થઈ જાય છે. તેની પત્તામાં ઘણા પોષક તત્વો હોય છે અને તેનું બજારમાં હંમેશા સારી મૂલ્ય મળે છે. કોબીજની ખેતી એક રોકાણની રૂપમાં બહુ જ ફાયદાકારક સાબિત થઈ શકે છે.
કેપ્સિકમ- શિયાળામાં કેપ્સીકમની ખેતી ખેડૂતો માટે પણ ખૂબ ફાયદાકારક સાબિત થઈ શકે છે. ફેબ્રુઆરીમાં તેને ઉગાડવાથી સારો પાક મળી શકે છે. કેપ્સીકમ ઉગાડવા માટે હલકી અને નિતારવાળી જમીન જરૂરી છે. તેના છોડને પૂરતા પ્રમાણમાં સૂર્યપ્રકાશ અને પાણીની જરૂર હોય છે. કેપ્સિકમને વધુ કાળજી લેવાની જરૂર નથી, પરંતુ તેને જીવાતો અને રોગોથી બચાવવા માટે સમય સમય પર તેની સારવાર કરવી જરૂરી છે. કેપ્સિકમની ખેતી માત્ર સારો નફો જ નથી આપતી, પરંતુ તે ખેડૂતો માટે સ્થિર આવકનો સ્ત્રોત પણ બની શકે છે. તેની માંગ આખા વર્ષ દરમિયાન રહે છે.
મૂળા- ફેબ્રુઆરીમાં મૂળાની વાવણી કરવાથી સારો પાક મળી શકે છે. મૂળાની ખેતીમાં તમને વધારે સારસંભાળ રાખવાની જરૂર પડતી નથી અને તે ઓછા સમયમાં તૈયાર થઈ જાય છે. મૂળા લગાવવા માટે સારીતે રીતે સળેવું છાણિયું ખાતર નાખવું જોઈએ અને જમીનને થોડી ઢીલી રાખવી જોઈએ. આ શાકભાજી બહુ જ જલ્દી ઉગી આવે છે. તે 30-40 દિવસોમાં તૈયાર થઈ જાય છે. મૂળામાં ફાઈબર અને વિટામિન C જેવા ઘણા પોષક તત્વો હોય છે, જે સ્વાસ્થ્ય માટે ઘણા ફાયદાકારક છે. બજારમાં મૂળાની સારી માંગ છે, એટલા માટે તેનું ઉત્પાદન ખેડૂતો માટે લાભકારી છે.